ATDHEU FILLON NGA VENDLINDJA

“Vendlindja ime” për të gjithë shqiptarët kudo në botë Vendlindja!

 Gjëja më e shtrenjtë! Vendi ku u lindëm e u rritëm, ku morëm mësimet e fëmijërisë, ku jetuam gëzimet dhe hidhërimet tona. Aty u formuam, hodhëm hapat e parë dhe nisëm rrugën e jetës... Vendlindja është kjo tokë, këta gurë e drurë që në çdo moment na kujtojnë origjinën tonë. Lavdia e të parëve është dritë për pasardhësit! Është thirrja e kohës për të njohur Vendlindjen dhe kushtrimi i të parëve për të dashur atdheun.

Kolona jonë tashmë e njohur që nga viti 1998, “Vendlindja ime” është një memorie e udhërrëfyes për të gjithë shqiptarët kudo ku jetojnë e punojnë. Është lavdia e Vendlindjes tonë, ajo që na nxit më shumë krenarinë, por edhe përgjegjësinë ndaj saj dhe Atdheut. Le ta mbajmë gjithnjë në duar “Vendlindjen”, këtë Abetare të atdhetarizmit!

Janë hartuar 33 libra, për 33 rrethet e Shqipërisë. Secili libër përmban të dhëna shkencore të sakta mbi:

1. Pozitën gjeografike

2. Ndarjen administrative

3. Relievin

4. Klimën

5. Hidrografinë

6. Botën bimore dhe shtazore

7. Monumentet e natyrës

8. Popullsinë dhe ekonominë

9. Tregtinë, transportin dhe turizmin

10. Ngjarjet historike

11. Figurat e shquara

12. Mjedisin dhe të ardhmen

Të gjitha këto janë të ilustruara me foto, të cilat e bëjnë secilin nga librat më interesant, më të vërtetë.

Njëkohësisht, Kolana "Vendlindja ime" posuron me informacion të bollshëm edhe investitorët që janë të interesuar të investojnë në Shqipëri.